आर्टिस्ट फष्टमा शंकर बिसीः पहिलो गीत चमेलीको तेल, पहिलो कमाइ ५ सय

१ चैत्र २०७३, मंगलवार ०८:०८

चैत, काठमाडौं । नेपाली गीतसंगीतको क्षेत्रमा सबैभन्दा धेरै नाँचेर नाम कमाएका मोडल हुन् शंकर बिसी । मिलेको ज्यान र हँसिलो अनुहार भएका शंकरले अहिलेसम्म १५ सय म्युजीक भिडियोहरुमा अभिनय गरीसकेका छन् भने ४ हजार म्युजीक भिडियो निर्देशन गरीसकेका छन् । पछिल्लो समय मोडलिङ सँगसँगै म्युजीक भिडियो निर्देशन तिर पनि उत्तिकै मात्रामा ब्यस्त छन् । यसका साथै आर्टिस्ट खबर डटकमको <a href="http://artistkhabar.com/video/4010" target="_blank">आर्टिस्ट फष्ट</a>मा शंकरले आफ्ना पहिला कुराहरु यसरी बताएका छन् । पहिलो नाम मलाई अहिले शंकर बिसी भनेर धेरैले चिन्नुहुन्छ, तर न्वारनकै नामको कुरा गर्दा जित बिसी हो । जुन नाम मेरो मामाले राखिदिनुभएको थियो । पहिलो घरमेरो पहिलो घर नेपालगंज हो । म त्यहि जन्मेको थिए । अहिले काठमाडौं । पहिलो कमाइ कुन म्युजीक भिडियो बाट कति मैले पहिलो पटक नाँचेको चमेलीको तेल गीतबाट नै पहिलो कमाइ गरेको हुँ । त्यतिखेर मलाई ५ शय रुपैया दिनुभएको थियो । त्यो नै पहिलो कमाइ हो ।  पहिलो प्रेम प्रस्ताव म भर्खर भर्खर गीतसंगीतको क्षेत्रमा लागेको थिएँ । त्यो समयमा मेरो गीत एकदमै मन पर्यो भन्ने एक जना पोखराको फ्यान हुनुहुन्थ्यो । उहाँले नै फोन बाट प्रेम प्रस्ताव गर्नुभएको थियो ।   पहिलो अन्तरवार्ता सञ्चारकर्मि अशोक धितालसँग एच.बि.सि. एफ एम. मा दिएको थिए ।  पहिलो मोबाइल सेट आज भन्दा १५ बर्ष अगाडिको कुरा हो त्यो समयमा मोबाइल देख्नै धेरै गाह्रो हुन्थ्यो । साधारण सिमेन्स सेट थियो । त्यो समयमा मैले मोबाइल बोक्दा धेरै नायक नायिकाहरुले मोबाइल बोक्नुभएको थिएन ।  पहिलो पटक मोडलिङ गरेको गीतमैले पहिलो पटक अभिनय गरेको गीत ‘चमेलीको तेल’ हो, त्यो नै पहिलो पटक टेलिभिजनमा आएको गीत हो । पहिलो पटक स्टेजमा नाचेको गित  म जम्मा ७ बर्षको थिएँ । त्यो बेला कक्षा २ मा पढ्थेँ । त्यो समयमा ‘सलल पानी बबैको तिरैमा’ बोलको लोकगीतमा नाँचेको थिए ।   कलाकार भइसकेपछिको पहिलो स्टेज कार्यक्रममेरो पहिलो स्टेज कार्यक्रम भनेको नेपालगन्जमा क्षेत्रिय व्यामशाला हो । जहाँ मलाई नाँच्नका लागी बोलाइएको थियो । पहिलो फिल्म गित निर्देशनचलचित्र ‘फष्ट लभ’को गीत पहिलो पटक निर्देशन गरेको हुँ ।  पहिलो पटक गाएको गितमेरो स्वरमा रहेको पहिलो गीत भनेको ‘तिमी बिना मर्छु म तिम्रो कसम’ हो जसमा एकल स्वर दिएको छु । गीतमा एकनारायण भण्डारीको शव्द संगीत छ । त्यसपछि नायिका रेखा थापासँग युगल गीत गाएँ जसमा शाही भट्टराईको संगीत छ ।  पहिलो बिदेश भ्रमणम नाँच्नकै लागी भनेर अहिले सम्म १२/१३ देश पुगेँ होला । त्यसमध्ये पहिलो पटक गएको देश बहराइन हो । त्यो बेलामा अभिनेता राजेश हमाल, गायिका अन्जु पन्त पनि सँगै हुनुहुन्थ्यो ।  मोडल शंकर बिसी सँग आर्टिस्ट फष्टमा गरीएको कुराकानी तलको भिडियोमा पनि हेर्नसक्नुहुनेछ ।  <iframe frameborder="0" src="http://www.youtube.com/embed/9JVvCW1eSrg" width="640" height="360" class="note-video-clip"></iframe> प्रस्तुतीः गोपिकृष्ण चापागाई ।<div> </div>