८ चैत्र २०७३, मंगलवार ०८:४८ 
<pre style="text-align: justify; ">चैत, काठमाडौं</pre><p style="text-align: justify; ">'द कपिल शर्मा' शो का फ्यानहरुका लागि दुखद खवर छ,शो का चर्चित कमेडियन सुनील ग्रोवर र चन्दन प्रभाकरले शो मा आउन इन्कार गरेका छन्। केही दिन अगाडि अष्ट्रेलियाबाट फर्कने क्रममा कपिल शर्माले ‘द कपिल शर्मा शो’ का दुई सहकर्मी सुनील र चन्दनलाई अपशव्द प्रयोग गरी गाली गर्दै कुटपीट समेत गरेका थिए। जसका कारण सुनील र चन्दनले शो मा आउन अस्विकार गरेका छन्। </p><p style="text-align: justify; "> सोमबार ‘द कपिल शर्मा शो’ मा ‘नाम शबाना’ को टिम प्रमोशनका लागि पुगेका थिए । तर, सुनील र चन्दन उक्त शो मा गएनन्। लामो समयसम्म यी दुईलाई फकाउने कोसिस गरे पनि उनीहरु शोमा नगएपछि शोको सुटिङ नै रद्द गरिएको मिडियाले जनाएको छ ।शो को सुटिंग रोकिएपछि सञ्चालक कपिल शर्मा निकै दुःखी देखिए। साथै उनलाई ‘नाम शबाना’ का कलाकार मनोज बाजपेइको अगाडि रोएको पनि देखियो। उनीहरु वीचको झगडा मिलाउने जिम्मा सिद्धुलाई दिइएको थियो। तर उनले फोन गर्दा सुनील र चन्दनले शोमा आउन सिधै अस्विकार गरेका थिए। चन्दनले आफु नोकर भएको भन्दै आफ्नो औकात राम्रो संग बुझेको जवाफ दिएका छन। यस्तै कपिलले ट्विटरमार्फत सुनीलसँग माफी पनि मागेका थिए। तर सुनिलले शो ‘कपिल’ को मात्रै भएको आफूले बल्ल बुझेको र आफूहरु जुनसुकै बेला पनि निकालिन सक्ने बताउँदै कपिललाई सफलताको शुभकामना दिएका छन् । एजेन्सी </p>
