२९ असार २०७२, मंगलवार ०७:२२ 
असार, काठमाडौं ।
नेपाली चलचित्रका निर्देशक तथा संगीतकार कमलकृष्ण माथि बलिउड नायक आमिर खानको भाञ्जा भन्दै लाखौ रुपैयाँ ठगेको आरोप लागेको छ । उनीभाथि लाखौं रुपैयां ठगेर भागेको उजुरी परेको भारतको एक पत्रिकाले समाचार प्रकाशित गरेको छ ।
बलिउड फिल्ममा पनि काम गरेका कमलकृष्णले पछिल्लो समय लभ लस्ट लाइफमा काम गरीरहेका थिए । उनले बनाउन लागेको यस फिल्मको नाम पहिला लभ लस्ट लाईफ राखिएको तर पछि मुम्बइया नाम दिइएको थियो ।
यो बिषयमा प्रधाननगर थानामा ११ जना कलाकारले उजुरी गरेका हुन् । भारतीय पूर्वोतर फिल्म निर्माता निर्देशक संघका अध्यक्ष टिकम शर्माका अनुसार उनले आफ्नो परिचय आमिर खानको भाञ्जाको रुपमा गराएका थिए । उनले फिल्ममा काम गराएका धेरैलाई पैसा दिन्छु भन्दै धेरै समय त्यतिकै काम गराएको र पछि भागेको आरोप छ ।
