‘छक्का पंजा २’ को लोकेशन फाइनल,हुनेछैनन् यि दुई व्यक्ति

८ बैशाख २०७४, शुक्रबार ०७:२९

<pre> बैशाख, काठमाडौं।  </pre>दिपाश्री निरौलाको निर्देशनमा बन्न लागेको चलचित्र 'छक्का पंजा २'ले छायांकनका लागि हालै दुइ लोकेशन फाईनल गरेको छ।  चलचित्रका लागि काठमाडौं र मकवानपूरको चित्लाङ फाईनल भएको जानकारी दिँदै निर्माण पक्षले अन्य लोकेशनको छनौट हुँदै गरेको जनाएका छन्। वैसाखको दोस्रो साता देखि फ्लोर मा जाने चलचित्रको ६० प्रतिशत छायाँकन काठमाडौंमा हुने र बाँकी सुटिंग काठमाडौं बाहिर हुने बताइएको छ।अहिले सम्म चलचित्रको लागि हरिवंश आचार्य र आस्था राउतको आवाज रहेको ‘झ्याम्म, झ्याम्म’ बोलको प्रमोशनल गीत फाईनल भएको छ्। भने अन्य गीतको खोजी भइरहेको छ। नदोहोरिने  राजनराज र पुरुषोतमचलचित्रमा छक्का पंजाका सबै टीम रहने भनिएपनि अब दुई व्यक्ति भने नहुने भएका छन्।  निर्माता तथा अभिनेता दीपकराज गिरीले 'छक्का पंजा २'मा सिनेम्याटोग्राफर पुरुषोत्तम प्रधान र संगीतकार राजनराज सिवाकोटी नदोहोरिने बताएका छन्। पुरुषोत्तम प्रधान अर्को चलचित्रमा व्यस्त भएका कारण चलचित्रमा नहुने भएका छन्। यस अघि ‘सुर्के थैली’ र ‘पुर्व पश्चिम रेल’ जस्ता सर्वाधिक चर्चित गीतमा संगीत दिएका राजनराजको गीत पनि यस चलचित्रमा नहुने भएको छ। अब चलचित्रमा किरण कंडेलको संगीत रहने भएको छ ।दिपकराज, प्रियंका कार्की, बर्षा राउत, जितु नेपाल, निश्चल बस्नेत, स्वस्तिमा खड्का, ज्योत्सना योगी लगायत कलाकारहरुको अभिनय रहने यस चलचित्र असोज ११ गतेदेखि प्रदर्शनमा आउने बताइएको छ।