१५ बैशाख २०७४, शुक्रबार ०९:४१ 
<pre><b>बैशाख, काठमाडौं।</b></pre><p> बिहिबारदेखि छायाँकन सुरु भएको चलचित्र ‘छक्का पञ्जा २’ले आफ्नो टिजर भने प्रर्दशनमा ल्याइसकेको छ। चलचित्रको सुटिंग भन्दा पहिले सुट गरिएको चलचित्रको टिजर हलहरुमा बज्न थालिसकेको छ। आजबाट बहुप्रतिक्षित चलचित्र ‘बाहुबली २’ को प्रदर्शनसँगै दिपकराज गिरी र दिपाश्री निरौलाको छक्कापंजा २को टिजर हलमा प्रशारण गर्न सुरु गरिएको हो । <br><p>‘छक्का पञ्जा २’ को टिजरमा पछिल्लो समय निकैनै सुपरहिट भएको गीत ‘साइँली’ समावेश गरिएको छ । टिजरमा साइँली सुन्दै बाइकमा गइरहेका राजा अर्थात् दिपकराज गिरी र हैट् अर्थात् बुद्धि तामाङको संवाद समावेश छ । ‘सबैजना चालिस कटेसी रमाउँने भन्छन् त राजा ?’ भन्ने बुद्धिको प्रश्नमा राजाले जवाफ दिएका छन -, ‘चालिस कटेसी अरु रमाउँछन् त्यो भन्दा अघि चाहिं म रमाइलो गर्छु ।’<br> 'छक्का पंजा २'को टिजर संगै अहिले हलहरुमा चलचित्र 'डायरी', 'पर्व', 'हिटलर','जालो' आदिको गीत ,ट्रेलरहरु प्रर्दशन हुँदै आएका छन्। </p></p>
