१९ श्रावण २०७२, मंगलवार ०८:२० 
साउन, काठमाडौं । गोर्खा र सिन्धुपाल्चोकका बिभिन्न स्थानका भुकम्प पिडित बिद्यार्थीमाझ कुटुम्ब व्याण्डले सांस्कृतिक कार्यक्रम गरेको छ । बैशाख १२ गते र २९ गते नेपालमा गएको बिनाशकारी भुकम्पले गोर्खा र सिन्धुपाल्चोकका बिभिन्न बिद्यालयहरु ध्यस्त छन् । यसैक्रममा बिभिन्न ठाउँमा सांस्कृतिक कार्यक्रम गरेर सहयोग जुटाउँदै आएको कुटुम्ब ब्याण्डले पिडित बिद्यालय र बिद्यार्थीवर्गको निम्ति सहयोग जुटाउनका लागि बेविलोन उच्च माध्यमिक बिद्यालयमा एक सांस्कृतिक कार्यक्रम गएको शुक्रबार सम्पन्न गरेको हो ।
बिद्यालयमा अध्ययनरत बिद्यार्थीहरुका लागि कपि, कलम जस्ता चिजहरु संकलन गर्नुका साथै आर्थिक सहयोग समेत गरेको थियो । सांस्कृतिक कार्यक्रममा आएका बिभिन्न अभिभावक देखि संघ संस्थाहरुले सहयोग गरेका थिए । नेपालकै गौरब मानिने कुटुम्ब व्याण्डले यस अघि पनि बिभिन्न कार्यक्रम गर्दे आएको छ ।
