२२ श्रावण २०७२, शुक्रबार ०२:३४ 
साउन, काठमाडौं । आउँदो असोज १ गतेबाट रिलिजको तयारीमा रहेको चलचित्र वडा नं. ६ को अर्को गित पनि रिलिज भएको छ । हाँस्य कलाकारहरुको जमघट रेहेको वडा नं. ६ मा पहिलो गित सार्वजनिक गरे सँगै आज मात्र चलचित्र युनिटले अर्को ‘सुके थैली खै’ बोलको गित सार्वजनिक गरेको हो ।
चलचित्रको दोस्रो गितमा चलचित्रका मुख्य कलाकारहरुको रमाईलो नृत्य देख्न सकिन्छ । गितमा देखाईए अनुसार कलाकार केदार घिमिरे (माग्नेबुढा) लाई दिपा श्री निरौला, त्यस्तै दिपकराज गिरीलाई प्रियंका कार्की र दयाहांङ राईलाई रञ्जिता गुरुंङको जोडिमा राखिएको छ । गितमा राजन राज शिवाकोटी , अन्जु पन्त र राजु बिश्वकर्माले स्वर दिएका छन् । त्यस्तै शब्द राजन राज शिवाकोटी कै रहेको छ । भिडियोलाई शंकर बिसीले निर्देशन गरेका हुन् ।
चलचित्रको पहिलो गितमा कलाकार दिपकराज गिरी र नायिका प्रियंका कार्कीको लभ स्टोरीलाई देखाउन खोजिएको छ । ‘बाहियत छ तिम्रो लभस्टोरी’ बोलको उक्त गित पनि रिलिज भएको छोटो समयमै दर्शकले निकै मनपराएका छन् ।
चलचित्र वडा नं. ६ मा मुख्य भुमिकामा रहेका अधिकांश कलाकारहरु यस चलचित्रका निर्माता हुन् । नेपालकै चर्चित कलाकारहरु मुख्य भुमिका रहेकाले पनि ‘वडा नं. ६’ हेर्न दर्शकको राम्रो उपस्थिति रहन सक्ने आशा गरीएको छ । निर्माता दिपकराज गिरीका अनुसार पहिलाको चलचित्र ‘६ एकान ६’ र अहिलेको वडा नं. ६ फरक भएको बताएका छन् । दिपकले आर्टिस्ट खबर सँग भनेका छन्, दर्शकले हल भित्र फिल्म हेर्न बसिसकेपछि वडा नं. ६ ले पुरै समय भरपुर मनोरञ्जन दिनेछ कुनै पनि समय निराश हुनै पर्दैन ।
वडा नं. ६ को दोस्रो रिलिज गितको भिडियो हेरौं ।
