रामजी खाँणः गायक कि मोडल ?

<pre style="text-align: justify; "><b>आर्टिष्ट खबर/ असार, काठमाडौं ।&nbsp;</b></pre><p style="text-align: justify; ">नेपाली लोक तथा दोहोरी गीत क्षेत्रका चलेका गायक हुन् <a href="http://artistkhabar.com/interview/5631" target="_blank"><font color="#0000ff">रामजी खाँण</font></a> । उनले गाएका दर्जनौं गीत हिट छन् । लोकगीतको क्षेत्रमा उनी गीत गाएरै प्रवेश गरेका हुन् । उनको परिचय अहिलेपनि गायककै छ । तर पछिल्लो समय उनी गायनसँगै मोडलिङ तिर पनि होमिएका छन् । टप्प जिउडाल मिलेका रामजीले आफुले गाएका गीतहरुमा मोडलिङ त गर्छन नै, तर अन्यको गीतमा पनि मोडलिङ गरिरहेका छन् । उनले पछिल्लो समय आफूलाई अन्यको गीतमा मोडलिङको अफर आउन लागेको बताउँछन् ।</p><p style="text-align: justify; ">दैनिकजसो गीत रेकर्ड गराईरहेको अवस्थामा&nbsp; स्टुडियोमा भेटिने रामजी पछिल्लो समय सुटिङस्थलमा पनि उत्तिकै मात्रामा भेटिने गर्छन् । गीत गाएरै दर्शक तथा स्रोताले चिनेका कारण उनले आफूलाई गायक भन्न रुचाउँछन् तर पछिल्लो पुस्ताका दर्शकले उनका गीतहरु हेरेभने मोडल रामजी खाँण भनेर चिन्लान् भन्दा फरक पर्दैन । ‘मैले आफूलाई मोडल भनेर चिनाउन खोजेको होइन, धेरै साथीहरुले भिडियोमा मोडलिङ गर्नकै लागी अफर गर्नुहुन्छ, दर्शकले पनि रुचाएका कारण मोडलिङ गरेको हुँ’, रामजीले आर्टिष्ट खबरसँग कुरागर्दै भने । के पैसाकै लागी मोडलिङ पनि गर्नुभएको त होइन भन्ने प्रश्नमा उनी भन्छन्, ‘त्यस्तो होइन, सुरुमा एकदुई वटा भिडियोमा मोडलिङ गर्दा दर्शकहरुबाट राम्रो प्रतिक्रिया आएपछि अन्य केहिमा पनि मोडलिङ गरेको हुँ, त्यस्तो अन्य केहि कारण छैन’</p><p style="text-align: justify; "><img src="http://artistkhabar.com/uploads/posts/f4b3e4d4b38b932bb513d50f34f6a3031531329688.jpg" style="width: 1200px;"><br></p><p></p><div style="text-align: justify;"><b><br></b></div><b><p style="text-align: justify;"><b>उत्कृष्ट मोडलको अवार्ड</b></p></b><p></p><p style="text-align: justify; ">रामजीले पछिल्लो समय उत्कृष्ट मोडलको अवार्ड समेत पाउन थालेका छन् । केहिदिन अघिमात्रै सम्पन्न दोश्रो ओएस नेपाल म्युजीक अवार्डमा पुरुष तर्फको सर्वोत्कृष्ट लोकदोहोरी डान्सिङ मोडलको अवार्ड जितेका थिए । यसरी पछिल्लो समय उनले नृत्य गरेका गीतहरु मनोनयनमा पर्न थालेका छन्&nbsp; ।&nbsp;</p><p style="text-align: justify; ">बि.स. २०५६ सालबाट सांगितीक यात्रा शुरु गरेका रामजीले ‘वालिङ बजार’ बोलको गीतबाट आफ्नो गायन यात्रा अगाडि बढाएका थिए । पहिलो गीतमा शर्मिला गुरुङ र शिला आलेसँग स्वर दिएका रामजीले अहिलेसँम्म दर्जनौं गायिकासँग गीत गाइसकेका छन् । उनका सर्वाधिक चर्चित गीतहरुमा ‘फुल फुलेर पँहेलै भयो, यो संसारको रीत, आकाश जूनकै हो, निधारैमा लेखेशी, ठ्याक्कै जोडी सुहाउने, धुँवा सरी, बोर गरायो मायाले’ लगायत छन् । उनले अहिलेसम्म ७ हजार गीत गाइसकेका छन् भने सयभन्दा बढी गीतमा एरेन्ज र दर्जनौं गीतमा लय तथा शब्द पनि भरेका छन् ।</p><div style="text-align: justify; "><br></div>