अनमोलको ‘क्याप्टेन’ फागुनलाई लक

२१ आश्विन २०७५, आईतवार ०२:१४

<pre style="line-height: 1.42857; text-align: justify;">आर्टिष्ट खबर/ असोज, काठमाडौं । </pre>सुपरस्टार अनमोल केसी अभिनित चलचित्र ‘क्याप्टेन’को प्रर्दशन मिति घोषणा गरिएको छ । पटक-पटक विभिन्न मितिमा प्रर्दशन हुने भनेर चर्चा गरिएतापनि अब भने चलचित्र फागुनको १७ गते प्रर्दशन हुने पक्का भएको छ । अनमोल केसी पहिलो पटक फुटबल खेलाडीको रुपमा देखिने चलचित्र ‘क्याप्टेन’का निर्माता भूवन केसीले फागुन १७ गतेलाई  प्रर्दशन मिति तय गरिएको बताए । महाशिवरात्रीको छेउछाउमा केही दिन बिदा पर्ने भएकाले भूवन र वितरक मनोज राठीले यो मितिमा चलचित्र प्रर्दशन मिति तय गरेको बताएका छन्। यो बाहेक चलचित्र प्रर्दशनका लागि अरु कुनै पनि मिति उचित नरहेको वितरक मनोज राठीले बताए । पुष-माघमा चलचित्र प्रर्दशन गर्दा फाइदा नहुँने उनीहरुको भनाइ छ ।  ‘क्याप्टेन’मा अनमोलको अपोटिजमा दुई नव अभिनेत्री  प्रियंका एमभी र उपासना सिंह ठकुरी छन् । भुवन केसी निर्मित  ‘क्याप्टेन’ मा सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारहरुको पनि अभिनय छ। दिवाकर भट्टराई निर्देशित चलचित्रको भीएफएक्सको काम सकिन भने अझै २ महिना समय लाग्ने बताइएको छ ।