२८ आश्विन २०७२, बिहीबार ०९:०८ 
असोज, काठमाडौं । कलाकार तुलसी घिमिरेले पुराना गितहरुलाई रिमिक्स नगरीदिनका लागि अनुरोध गरेका छन् । केहि दिनअघि मात्र राजधानीमा भएको एक अवार्ड कार्यक्रममा घिमिरेले लाईभ टाईम अचिभमेन्ट अवार्ड लिदै बोल्नेक्रममा सो आग्रह गरेका हुन् ।
पुराना गितहरुलाई नराम्रा स्वरमा पुनः गाएर बिगारेको भन्दै घिमिरेले यस्तो कुरा तत्काल रोक्नका लागि सबै सम्बन्धितहरुलाई आग्रह गरे । पहिलाकै स्वर निकै राम्रो छन् फेरी अहिले तिनै गितलाई नयाँ स्वर दिएर नराम्रो बनाईएको छ त्यसैले मेरो आग्रह छ यस्तो नगरीदिनुहोला, घिमिरेले भने ।
दर्जनौं चलचित्र निर्देशन गरीसकेका घिमिरेलाई इनास अवार्डमा नगद एक लाख सहित लाईभ टाईम अचिभमेन्ट अवाड प्रदान गरीएको हो । साथै कार्यक्रममा चलचित्र क्षेत्रमा २०१४ बर्ष भित्रका उत्कृष्ट बिभिन्न कलाकारहरुलाई सम्मान तथा अवार्ड बितरण गरीएको थियो ।
