१२ कार्तिक २०७२, बिहीबार ०२:५२ 
कात्तिक १२, काठमाडौं । गोपिकृष्ण फिल्म हलका म्यानेजर तिर्थ पौडेललाई प्रहरीले नियन्त्रणमा लिएको छ । हल परिसरमा जुवाको खेल (ज्याकपट) खेलाएको भन्दै प्रहरीले पौडेललाई मंगलबार हल परिसरबाटै नियन्त्रणमा लिएको हो ।
हल भित्र केही मानिसहरुलाई भेलागरेर भिडियो गेमको नाममा पैसाको चलखेल हुने र हारजित हुने खेल खेलाएको उनीहरुलाई आरोप लागेको छ । मंगलबार समातिएपनि अनुसन्धानका लागि भन्दै ७ दिनको म्याद थप गरिएको स्रोतले बतायो ।
