१८ कार्तिक २०७२, बुधबार ०७:४३ 
कात्तिक १८, काठमाडौं । युएईको अलएनमा हुने एक साँस्कृतिक कार्यक्रमका लागी त्रिभुवन बिमानस्थलबाट नेपाली कलाकारको टोली युएई लागेको छ । युएईमा विभिन्न समस्यामा परेका नेपालीलाई सहयोग गरेर उद्दारका लागि राहतकोष स्थापना गर्नका लागि हुन गईरहेको वीर गोर्खाली राष्ट्रिय एकता साँझका लागी कलाकारको टोली त्यसतर्फ लागेको हो । कार्यक्रम नोबेम्बर ६ तारिख (कात्तिक २०) मा हुँदै छ ।
चर्चित गायक प्रकाश कटुवाल, गायिका शान्ति श्री परियार र हाँस्य कलाकार मरिचमान श्रेष्ठ (बल्छि धुर्वे) कार्यक्रमका लागी युएई लागेका हुन् । दिउँसो १ बजेबाट सुरु हुने कार्यक्रममा युएईमा रहेका अन्य थुप्रै स्थानिय कलाकारहरुको पनि प्रस्तुती रहने बताईएको छ ।
