४ मंसिर २०७२, शुक्रबार ०४:३० 
मंसिर ४, काठमाडौं । नायिकाले बसको अगाडि सिटमा बसेर ‘राम्री केटी देखेपछि त उतैमात्रै ध्यान जाने है’ भनेको सम्बाद आउनासाथ पछाडिको सिटमा बसेका नायकले पनि ‘केटीहरु पनि उस्तैहुन् राम्रो केटा देखेपछि मुसुक्कै मुस्काउँदै लुकुक्क परेर आईपुग्छन्’ भन्छन् र त्यति भन्नासाथ नायिकाले झर्केर ‘बोकाहरु’ भनेर गालि गर्छिन र नायकले पनि ‘बादर्नी’ भनिदिन्छन् ।
माथि उल्लेखीत सम्बाद ‘आधा पेज’ फिल्मको ट्रेलरमा प्रयोग गरीएको छ । नायक सलोन बस्नेत र नायिका रिस्ता बस्नेतद्धारा सो फिल्ममा उतारिएको डाईलग हो । फिल्ममा मुख्य भुमिकामा रहेका सलोन, रिस्ताको साथमा , रुपेश न्यौपाने, बिपना बस्नेत , दीपक क्षेत्री , सुरज आरडी, सन्तोष ढकाल, सारिका न्यौपाने, अशिम आरडीको पनि मुख्य अभिनय रहेको छ ।
फिल्ममा रामजी लामिछानेको नूत्य निर्देशन , इन्द्र लाल श्रेष्ठको छायांकन , आकाश बुढाथोकीको कथा ,सन्तोष ढकालको सम्पादन रहेको छ । परी फिल्मको प्रस्तुतिमा लीला बहादुर न्यौपाने र ज्ञान बहादुर न्यौपानेले चलचित्रलाई निर्माण र समुन्द्र भट्टले निर्देशन गरेका हुन् । फिल्म पुष १० गते बाट प्रदर्शनमा आउने छ ।
