२२ जेष्ठ २०७६, बुधबार १४:०८ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ जेठ, काठमाडौं ।</span></pre><p style="text-align: justify; ">चलचित्र ‘जाइरा’ को अफिसियल टीजर सार्वजनिक भएको छ। आउँदो भदौ ६ गतेबाट सार्वजनिक प्रर्दशनमा आउने यस चलचित्रको टीजर बुधवार राजधानीमा पत्रकार सम्मेलन आयोजना गर्दै सार्वजनिक गरिएको हो । टीजरमा अभिनेत्री नम्रता श्रेष्ठ बिभिन्न लुक्समा फिचर्ड छिन् । उनी चलचित्रमा मुख्य भूमिकामा रहेकी छिन् । नम्रताले ‘जाइरा’ मा मिक्स मार्शल आर्ट खेलाडीको भूमिका निर्वाह गरेकी छिन् भने नव-अभिनेता मगर, नम्रताको कोचको भूमिकामा छन्। त्यसैगरी नव-अभिनेत्री श्रृजना पनि चलचित्रमा खेलाडीकै भूमिकामा छिन्। नम्रता र श्रृजनासँगै चलचित्रमा प्रमोद अग्रहरी,अनुप बिक्रम शाही, रेमनदास श्रेष्ठ सहित नव-कलाकारहरु सुजता श्रेष्ठ र सम्राट मगरको प्रमुख अभिनय रहेको छ । </p><p style="text-align: justify; "><img src="http://artistkhabar.com/uploads/posts/83c067476eac34508ca51ce802185d4d1559743754.jpg" style="width: 840px;"><br></p><p style="text-align: justify; ">आशुतोषराज श्रेष्ठले निर्देशन गरेको यस चलचित्रमा निर्देशक श्रेष्ठ र निरोज महर्जनको पटकथा रहेको छ । नम्रता श्रेष्ठ प्रोडक्शन र ट्रेन्डसेटर्स प्रा.लिको प्रस्तुतीमा निर्माण भएको चलचित्रमा कटामरी फिल्म्सको सहकार्य रहेको छ । प्रशन्न गोपाली कार्यकारी निर्माता रहेको चलचित्रमा बाबु श्रेष्ठको छायांकन, लोकेश बज्राचार्यको सम्पादन, राउल मोक्तान र मेघवार चेम्जोङको द्वन्द्व रहेको छ। त्यसैगरी कल्याण सिंह, डिजे राजु र टम्ब्लीविडको संगीत र सम्राट बस्नेतको द्वन्द्व निर्देशन र केशव थापाको नृत्य निर्देशन रहेको यस चलचित्रकालागि नम्रताले आफ्नो तौल ५१ किलोग्रामबाट घटाएर ४३ किलोग्राम बढाएकी थिइन् भने आफ्नो कपाल छोटो बनाएर काटेकी थिइन् । </p><p style="text-align: justify; "><iframe frameborder="0" src="//www.youtube.com/embed/c18BK2iDRLA" width="640" height="360" class="note-video-clip"></iframe><br></p>
