१५ मंसिर २०७२, मंगलवार ०२:५४ 
मंसिर १५, काठमाडौं । अभिनेता आर्यन सिग्देल र अभिनेत्री नम्रता श्रेष्ठ अभिनित फिल्म ‘क्लासिक’ को ‘हारें हारें’ बोलको अडियो गित सार्वजनिक गरीएको छ । केहि दिन अघिमात्र फष्ट लुक सार्वजनिक भएको क्लासिको आज अडियो गित सार्वजनिक गरीएको होे । जसमा यूवराज चौलागाँइको स्वर, ताराप्रकाश लिम्बुको संगीत र दिनेश राउतको शब्द रहेको छ ।
सुवास गिरी इन्टरटेन्मेन्ट र आर्यन सिग्देल इन्टरटेन्मेन्टको ब्यानरमा निर्माण भएको फिल्म ‘क्लासिक’को सार्वजनिक अडियो गितमा बियोगान्त शब्दहरु रहेका छन् । यस अघिको आर्यन सिग्देल र नम्रता श्रेष्ठ अभिनित चर्चित फिल्म नोभेम्बर रेनमा पनि तिमी लाई के भनु बोलको गितले खुबै चर्चा बटुलेको थियो । साथै अहिलेको क्लासिकको यसगितले पनि दर्शक तथा स्रोताको माया राम्रै पाउनेमा फिल्मयुनिट बिश्वस्त देखिन्छ ।
दिनेश राउतको निर्देशनमा बनेको फिल्म क्लासिकमा अभिनेता आर्यन र अभिनेत्री नम्रता दुबै आँखा नदेख्ने भुमिकामा रहेको बुझ्नमा आएको छ । यि दुई जोडिको पहिलो फिल्मलाई दर्शकले निकै रुचाईदिएकोले अहिले पनि क्लासिकलाई दर्शकले मनपराउने आशा लिन सकिन्छ । फिल्म माघ २९ गतेबाट प्रदर्शनमा आउँदैछ ।
