२२ मंसिर २०७२, मंगलवार ११:२८ 
मंसिर २२, काठमाडौं । डिएसपी सानुराम भट्टराई गायन क्षेत्रमा लागेका छन् । भर्खरमात्र डिएसपी भट्टराईको स्वरमा ‘याद आयो फेरी’ बोलको आधुनिक गितको म्युजीक भिडियो सार्वजनिक भएको हो । पछिल्लो समय चर्चामा रहेका ढाडे बिरालोका गायक तथा शब्द लेखक प्रकाश कटुवालको शब्द संगित रहेको उक्त गितमा मोडल तथा नायिका केकी अधिकारी र नायक गजित बिष्टको प्रेमलाई देखाउन खोजीएको छ । भिडियोलाई शंकर बिसीको निर्देशन गरेका हुन् भने मधुर बस्नेतले खिचेका हुन् । धुलिखेल माउण्टेन रिसोर्टमा छायांकन गरीएको म्युजीक भिडियो उत्कृष्ट बनेको देख्न सकिन्छ ।
नेपाल प्रहरीको अफिसरको एक जिम्मेवार ब्यक्ति यसरी गित संगितमा पनि सक्रिय देखिंदा गितसंगितको क्षेत्र अझ फराकिलो भएको छ । डिएसपी भट्टराईले यस पछि पनि निरन्तर गितसंगितमा सक्रिय रहने बताएका छन् । त्यसो त उनको यो दोस्रो गित हो । उनले यसभन्दा अघि पनि तिमीलाई सम्झि सम्झि बोलको आधुनिक गित गाएका छन् । जुन गितमा पनि प्रकाश कटुवालकै शब्द संगित रहेको छ ।
