२३ मंसिर २०७२, बुधबार ०५:१६ 
मंसिर २३, काठमाडौं । यहि मंसिर १८ गतेबाट प्रदर्शनमा आएको फिल्म चकलेटलाई दर्शकले नहेरेको भन्दै निर्माता तथा नायिका पुजना प्रधान दर्शक सँग रिसाएकि छिन् । राम्रो फिल्म बनाउँदा कसैले हेर्दैन हावा कथा भएको भए सबैले हेर्थे भन्दै आक्रोसको स्टाटस फेसबुकमा लेखेकी पुजनाले दर्शकसँग फेसबुकमा सवार जवाफ गरेकी छिन् ।
दुई दिन अघि अब देखि फेसबुक चलाउँदिन भन्दै लेखेकी पुजनाले फेरी अर्को दिन मैले फेसबुक चलाउँदिन भन्दा यस्तो ? भन्दै अर्को स्टाटस लेखिन् । असाहाय बालबालिकाको सहयोगका लागि फिल्म बनाउँदा कसैले हेर्दिएनन् भन्दै दर्शकका कमेन्टको आधारमा उनले स्टाटस लेखेकी छिन् । साथै उनले फिल्म चलेपनि नचलेपनि आफुलाई कुनै फरक नपर्ने समेत बताएकी छिन् ।
