१० फाल्गुन २०७२, सोमबार २३:२२ 
फागुन, काठमाडौं । नायिका तथा मोडल केकी अधिकारी र मोडल बिमल अधिकारी अभिनित ‘पोखरामा..’ बोलको एक लोकपप गितको म्युजीक भिडियो सार्वजनिक भएको छ । गायक बुद्धि अधिकारीको स्वरमा रहेको सो गित पोखराका रमणिय स्थानहरुमा खिचिएको छ ।
कुमार केसी निर्देशीत सो भिडियोमा बिमल अधिकारी र केकी अधिकारीको माया प्रेमलाई देखाइएको छ । मोडल बिमलले केकीलाई आफ्नो माया दर्साउन खोजेका छन् । उनलाई मनपरेकोले घरमै माग्न आउने जस्ता कुराहरु गितका शब्दमा उल्लेख छन् । गितमा लय शब्द पनि बिमल अधिकारी कै रहेको छ भने सिनेमाटोग्राफी हरी नारायण चौधरीले गरेका हुन् । भिडियोलाई स्मृती म्युजीकले बजारमा ल्याएको हो ।
मोडल बिमल अधिकारी युएईको आबुधाबी प्रहरीमा बिगत लामो समय देखी काम गर्दै आएका छन् । गितसंगितमा रुचि राख्दै आएका बिमल सामाजिक कार्यमा पनि उत्तिकै सक्रिए छन् । गएको शुक्रबार मात्रै उनले युएईमै रहेको बिर गोर्खाली राष्ट्रिय एकता समाजको तर्फबाट युएईको आबुधाबीमा निधन भएका कृष्ण पोख्रेलको परिवारलाई नगद दुई लाख सहयोग गरेका थिए ।
गायक बुद्धि अधिकारी पनि बिगत चारबर्ष देखी क्यानडामा बस्दै आएका छन् । नेपाल आएका बेला गित रेकर्ड गराएका बुद्धिले क्यानडा जानुभन्दा अघि पनि नेपालमै रहेर गितसंगितमै समय दिएका थिए । उनीपनि प्रवासमा रहेर पनि गितसंगितलाई आत्मसाथ गर्दै अघि बढेका छन् ।
प्रस्तुतीः गोपिकृष्ण चापागाई /आर्टिस्ट खबर
