४ चैत्र २०७२, बिहीबार ०४:५१ 
चैत, काठमाडौं । करिब दुई दर्जन चलचित्रकर्मीले नेपाली कांग्रेसका नव निर्वाचित सभापति शेरबहादुर देउवालाई उनकै निवास वुढानिलकण्ठ पुगेर बधाई दिएका छन् । बिहिबार बिहान चलचित्र विकास बोर्डका अध्यक्ष राजकुमार राइको संयोजकत्वमा चलचित्रकर्मिहरु देउवालाई बधाई दिन पुगेका हुन् ।
देउवाले भेटमा उपस्थित चलचित्रकर्मिलाई आफुले चिन्ने र चाहिदो सहयोग आफुले गर्ने समेत आश्वासन दिएका थिए । देउवालाई शुभकामना दिएपछि चलचित्रकर्मीको टोली महामन्त्री पदका विजयी शशांक कोइराला र सदस्य पदका विजयी नेता डाक्टर मिनेन्द्र रिजालको घरमा वधाई दिन पुगेका थिए ।
चलचित्रकर्मी निर शाहदेखि नन्दिता केसी, झरना थापा, मेलिना मानन्धर, दीपाश्री निरौला, रुपा राना, आकाश अधिकारी, सरिता लामिछाने, रामकेशर बोगटी, राजेश घतानी लगायतका चलचित्रकर्मी पनि नव निर्वाचित सभापित, महासचिव र सदस्यलाई वधाई दिन पुगेका थिए ।
