४ भाद्र २०७३, शनिबार ०७:४२ 
भदौ, काठमाडौं । फिल्म ‘सकुन्तला’ को आइटम गीत सार्वजनिक गरीएको छ । ‘कोही छ’ बोलको गीतमा नायिका नम्रता सापकोटाले नृत्य गरेकी छिन् । सार्वजनिक गीतमा डा.कृष्णहरी बरालको शब्द, अर्जुन पोखरेलको संगीत र दुर्गा खरेलको स्वर रहेको छ । भिडियोमा माईकल चन्दको कोरियोग्राफी रहेको छ ।
छायांकन देखी नै चर्चामा रहेको सकुन्तलामा महानायक राजेश हमाल महिलाको भुमिकामा देखिएका छन् । त्यसैले पनि यस फिल्म केहि बिशेष रहेको मानिएको छ । ‘सकुन्तला’ लाई दिनेश श्रेष्ठले निर्देशन गरेका हुन् । फिल्ममा राजेशसँगै किशोर खतिवडा, अनु शाह र स्मृति श्रेष्ठको मुख्य भूमिका रहेको छ । ‘सकुन्तला’ भदौ ९ गतेदेखि प्रदर्शनमा आउँदैछ ।
Advertisement
