७ जेष्ठ २०७२, बिहीबार ०३:४८ 
जेठ, काठमाडौं । बर्षेनी जेठ ७ गते मनाउँदै आएको चलचित्र पत्रकारिता दिवस नेपालमा आएको भुकम्पले प्रभावित भएको छ । गत बैशाख १२ गते आएको भुकम्पले सिंगो नेपाल रोएको बेला हरेक बर्ष चलचित्र पत्रकारिता दिवसमा प्रदान गर्दै आइएको चलचित्र पत्रकारिता पुरस्कार र सम्मान पनि वितरण गर्न नसकिएको चलचित्र पत्रकार संघले विज्ञप्ती निकालेर बताएको छ । हरेक बर्ष आफ्नो बार्षिक उत्सव पारेर चलचित्र पत्रकार संघले दुई जना चलचित्र पत्रकारलाई चलचित्र पत्रकारिता पुरस्कार र एक चलचित्र पत्रकारलाई सम्मान प्रदान गर्दै आएको छ । सही समय आएपछि दुबै पुरस्कार प्रदान गर्ने विज्ञप्तीमा जनाईएको छ ।
