२१ जेष्ठ २०७२, बिहीबार ०८:४८ 
जेठ, काठमाडौं । सञ्चारकर्मी अर्जुन के आर ले देशभक्ति गितको निर्देशन गरेका छन् । अर्जुनले देशभक्ति भावनाले भरिएको एक म्युजीक भिडियोमा नेपालका चर्चित कलाकारहरुलाई सहभागि गराई निर्देशन गरेका हुन् । रेडियो जक्कीका साथै कलामनोरञ्जन सम्बन्धी समाचार समेत लेख्ने अर्जुनले म्युजीक भिडियो निर्देशन समेत गर्दै निर्देशन जगतमा डेब्यु मारेका हुन् । उनले नेपालका चर्चित कलाकारहरु दिपकराज गिरी, दिपाश्री निरौला, निर्मल शर्मा ‘गैंडा, जितु नेपाल ‘मुन्द्रे’, झरना थापा, सुरवीर पन्डित लाई उक्त गितमा एक्सन कटको भुमिका निभाएका हुन् । बुद्धका आँखा हेर सालिन छन् अझै बोलको देशभक्ति भावनाले भरिएको गीतको भिडियोमा अर्जुनले निर्देशन गरेका हुन् ।
मधु शाहीको शब्द, गायक ज्योती प्रकास र गायिका जुना प्रसाईको स्वर रहेको उक्त गितलाई संगीत गायक ज्योती स्वयमले भरेका छन् । भिडीयोको छाँयाकन सम्पादन कमल प्रसाईले गरेका हुन् ।
साँखु आसपासका क्षेत्रहरु, सुन्धारा, स्वयम्भु लगायताका ठाउँमा भिडियोको छाँयाकन गरिएको थियो । गितको भिडियो यहि साता रिलिज गरीने अर्जुनले बताएका छन् ।
